የኃላፊነት መውሰጃ ውል

በ 2012 ዓ.ም ወደ ዩኒቨርሲቲ የሚገቡ ነባርና አዲስ ተማሪዎች በሙሉ በተመደቡበት ዩኒቨርሲቲ ከመግባታቸው በፊት ከሚኖሩበት ወረዳ ትምህርት ፅህፈት ቤት ውል መፈጸም እንዳለባቸው የሳይንስና ከፍተኛ ትምህርት ሚኒስቴር ማስታወቁ ይታወሳል።
ለዚህም የቀብሪ ደሃር ዩኒቨርሲቲ የተማሪዎች ቤተሰቦች በተገኙበት በወረዳቸው ትምህርት ፅህፈት ቤት ተሞልቶና ተፈርሞ ማህተም የሚደረግበት ፎርም ከዚህ ማሳሰቢያ ጋር አያይዞዋል።
በዚህ መሰረትም ነባርና አዲስ ተማሪዎች ይህን ውል ይዘው እስካልቀረቡ ድረስ በቀብሪ ደሃር ዩኒቨርሲቲ መመዝገብ የማይችሉ መሆኑ እናሳውቃለን። የሚፈፀመው ውል የተማሪዎችንና የተቋሙን ሰላምና ደህንነት በማስጠበቅ ተማሪዎች ተረጋግተው መማር የሚጠበቅባቸው ደረጃ ላይ እንዲደርሱ የሚያስችል ነው።
ከዚህ ባለፈም ተማሪዎች ለሚያጠፉት ጥፋትም ሆነ ለሚያደርሱት ጉዳት እነሱም ሆኑ ወላጆቻቸው ተጠያቂ መሆናቸውን ለማስገንዘብና ሃላፊነት እንዲወስዱ ለማድረግ ያለመ ነው።